Marrja e duhur e ujit varet nga mosha dhe mënyra e jetesës, por edhe nga pesha juaj.

Mençuria konvencionale është se ne të gjithë duhet të pimë tetë gota ujë në ditë. Por sa ujë duhet pirë varet vërtet nga personi, megjithëse ka udhëzime të përgjithshme.

Për shembull, njerëzit fizikisht aktivë ose ata që jetojnë në mjedise më të ngrohta do të kenë nevojë për më shumë konsumim të ujit. Gjithashtu, marrja e mjaftueshme e ujit varet nga gjinia juaj, mosha juaj, nëse jeni shtatzënë apo ushqeni me gji.

Mjekët sot këshillojnë që meshkujt duhet të pinë mesatarisht tre litra ujë në ditë, ndërsa femrat 2,2 litra.

Kur bëhet fjalë për fëmijët, ata nga mosha katër deri në tetë vjeç duhet të pinë pesë gota ujë në ditë. Kjo sasi rritet në shtatë deri në tetë gota për fëmijët e moshës nëntë deri në 13 vjeç. Për fëmijët e moshës 14 deri në 18 vjeç, marrja e rekomanduar e ujit është tetë deri në 11 gota.

Gratë shtatzëna dhe ato në gji duhet të konsumojnë 10 dhe 13 gota ujë çdo ditë.

Gjithashtu, në lidhje me marrëdhënien mes ujit që pimë dhe peshës sonë, të dhënat thonë se një i rritur i shëndetshëm ka nevojë për rreth 35 ml ujë për kilogram peshë trupore në ditë. Sipas udhëzimeve të përgjithshme të organizatave shkencore, duket kështu – një person që peshon 50 kilogramë ka nevojë për 1,7 litra ujë në ditë, një person që peshon 60 kilogramë 2,1 litra, një person me peshë 70 kilogramë 2,4 litra dhe një person që peshon 80 kilogramë 2,8 litra. .Thënë kështu, këta numra ndryshojnë nëse ushtroni. Epo, le të themi, nëse keni një seancë stërvitore prej gjysmë ore në ditë, duhet të merrni edhe 350 ml ujë shtesë për shkak të djersitjes. /Kosova.info/