Një aeroplan An-24 i AN Angara Airlines që mbante të paktën 40 pasagjerë është rrëzuar në rajonin Amur të Rusisë në lindjen e largët të vendit.

RIA Novosti raportoi se janë gjetur rrënojat e aeroplanit dhe se ka të ngjarë të mos ketë të mbijetuar.

Mbetjet e aeroplanit të pasagjerëve u gjetën 15 kilometra nga Tynda, destinacioni i synuar. SHOT shpjegon se helikopteri i kërkimit nuk arriti të ulej pranë vendit të rrëzimit, kështu që ekipet e shpëtimit do të shkojnë atje në këmbë.

RIA Novosti, duke cituar burime, shkruan se, sipas të dhënave paraprake, nuk ka të mbijetuar.

Gjatë kërkimit për aeroplanin An-24 që u zhduk nga radari në rajonin Amur, nga ajri u vunë re mbetje të djegura të aeroplanit, raportoi Ministria Ruse e Emergjencave.

Guvernatori Rajonal Vasily Orlov tha se sipas të dhënave paraprake, në aeroplan kishte 43 pasagjerë, përfshirë pesë fëmijë, dhe gjashtë anëtarë të ekuipazhit. “Të gjitha forcat dhe burimet e disponueshme janë dërguar për të kërkuar aeroplanin”, shkroi ai në Telegram.

Ministria e Situatave të Emergjencave vlerësoi numrin e personave në aeroplan pak më të ulët, në rreth 40.

Sipas informacionit nga portali SHOT, aeroplani i operuar nga linja ajrore Angara ishte në një fluturim për në qytetin Tynda, në rajonin Amur në lindjen e largët të Rusisë, përgjatë kufirit me Kinën. Besohet se aeroplani u zhduk vetëm disa kilometra para destinacionit të tij.