Këngëtarja shqiptare, Rita Ora, ka pasur një paraqitje të veçantë gjatë publikimit të koleksionit të saj Primark.

Për ta shënuar këtë moment si partnerja e parë e markës globale, 32-vjeçarja zbuloi një gamë të veçantë veshjesh,  raportoi të dielën “The Sun”

Veshja e saj nxirrte në pah figurën e tonifikuar të këngëtares, të cilën e ka kombinuar me çizme të zeza.

Në këtë ngjarje në kryeqytetin e Mbretërisë së Bashkuar, Rita i nderoi të pranishmit me një performancë live të hiteve të saj si “Drinkin’”, “Let You Love Me” dhe “Anywhere”.

“Unë u rrita me rrobat e Primarkut dhe iu afrova atyre për të sugjeruar një gamë. Më pëlqen që është e zakonshme dhe e arritshme. Rrobat mund t’ju bëjnë të ndiheni seksi, ose të sigurt, çfarëdo që kërkoni”, tha  ajo.

“Nuk ka të bëjë me pamjen, por të ndihesh rehat dhe mirë me veten”, ka shtuar ajo.

Artikujt do të shiten në më shumë se 400 dyqane në mbarë botën.