Brenda pak javësh, Luka Modriç pritet t’i komunikojë zyrtarisht AC Milan planet e tij të ardhshme lidhur me karrierën.

Ish-shoku i tij i kombëtares dhe miku i ngushtë, Ivan Rakitiç, ka dhënë një vlerësim për mundësinë që Modriç të qëndrojë edhe për një sezon tjetër në Serie A.

“Po sikur Modriç të luajë edhe një vit me Milanin? Vetëm një? Nga pikëpamja ime, ai mund të qëndrojë për të paktën dy ose tre sezone të tjera,” tha 37-vjeçari, duke nënvizuar aftësinë e jashtëzakonshme të kroatit për t’u ruajtur në nivel të lartë.

Rakitiç u pyet gjithashtu nëse e habit fakti që Modriç, tre vjet më i madh se ai, vazhdon të performojë në nivele të larta.

“Sinqerisht, jo. Luka është ndryshe nga të gjithë të tjerët. Ai ka një pasion të jashtëzakonshëm dhe fizikisht ende duket i ri,” tha mesfushori.

Ky koment vjen në një moment kur tifozët e Milanit presin vendimin e Modriçit, i cili mund të ketë ndikim të madh në projektet e ardhshme të klubit në Serie A dhe garat evropiane.