Qeveria e Kosovës ka miratuar Agjendën e Reformave në kuadër të Instrumentit të BE-së për Reforma dhe Rritje Ekonomike në Ballkanin Perëndimor.

Kryeministri Albin Kurti theksoi se kjo agjendë, negociuar nga zëvendëskryeministri Besnik Bislimi, synon reformat në pesë fusha dhe përmban 30 reforma me 111 hapa konkretë.

Kosova mund të përfitojë deri në 882.6 milionë euro, prej të cilave 30% janë grante dhe 70% hua afatgjata, me qëllim forcimin e qeverisjes, tranzicionit digjital dhe gjelbër, sektorit privat dhe sundimit të ligjit.