Presidenti rus, Vladimir Putin, tha të martën se Rusia po mendon të tërhiqet nga marrëveshja e grurit të Detit të Zi, duke vënë në dukje se shteti mori pjesë në marrëveshjen për të ruajtur marrëdhëniet me vendet “miqësore”, raporton CNN.

“Tani po mendojmë të dalim nga kjo e ashtuquajtur marrëveshje e grurit. Për më tepër, këto korridore nëpër të cilat shkojnë anijet përdoren vazhdimisht për të nisur dronët detarë”, tha Putin gjatë një takimi televiziv me gazetarët pro-Kremlinit.

Ai shtoi se Rusia hyri në marrëveshjen e grurit të Detit të Zi për të ndihmuar vendet “miqësore” në Afrikë dhe Amerikën Latine dhe për të mbajtur marrëdhënie të mira.

“Ne nuk po e bëjmë këtë për Ukrainën, po e bëjmë këtë për vendet tona mike në Afrikë dhe Amerikën Latine. Sepse drithi duhet të shkojë së pari në vendet më të varfra në botë”, tha Putin.