Rusia ka shënuar përvjetorin, “Dita e Fitores” me paradë ushtarake në qendër të kryeqytetit, Moskës.

Pos parakalimit të njësive ushtarake dhe fjalimit të presidentit rus, Vladimir Putin, gjithçka ishte e zbehtë për dallim prej viteve të tjera.

Gjithashtu ka pasur edhe qytetarë rusë që kanë protestuar kundër agresionit në shtetin e Ukrainës.

“Në një paradë të Regjimentit të Pavdekshëm jashtë Moskës sot, policia nxori një grua nga turma dhe e arrestoi pasi mbante një tabelë me mbishkrimin ‘Ai nuk donte të përsëriste [luftën]! Ai luftoi për paqen!’”, ka shkruar në Twitter, Kevin Rothrock, redaktor i mediumit rus Meduza teksa tregon se gruaja kujtonte gjyshin e saj të ndjerë.

Theksojmë se mediat ndërkombëtare kishin raportuar për ditë të tëra rreth një parade madhështore që po organizon Rusia, e cila do të mbahej edhe në disa qytete ukrainase, por që në fund nuk u realizua.

Ndryshe, Putin përmes propagandës është munduar që të bind popullin se po korr fitore dhe se po i ndihmon bashkatdhetarët në Ukrainë.