Gjysmëhëna e Kuqe tha se ka humbur kontaktet me dhomën e operacionit në Rripin e Gazës si dhe me të gjitha ekipet e saj “për shkak të ndërprerjes së katërt të telekomunikacionit gjatë agresionit në vazhdim” në enklavën e rrethuar bregdetare.

Rrjetet e komunikimit në Gaza janë ndërprerë vazhdimisht që nga fillimi i luftës për shkak të bombardimeve izraelite.

“Ndjejmë shqetësim të jashtëzakonshëm për mundësinë që ekipet tona të vazhdojnë të ofrojnë shërbime emergjente, veçanërisht pasi kjo ndërprerje prek dhomën qendrore të operacionit 101 dhe pengon mbërritjen e ambulancave për të lënduarit dhe të plagosurit”, shkroi PRCS-ja.

“Ne shprehim shqetësimin tonë për sigurinë e ekipeve tona që punojnë në Rripin e Gazës në mes të sulmeve ajrore të vazhdueshme dhe intensive izraelite gjatë gjithë kohës”, shtoi ajo në X.