Kosova

Policia në Ferizaj shqiptoi mbi 4 mijë gjoba në trafik gjatë muajit nëntor

Drejtoria Rajonale e Policisë së Kosovës në Ferizaj, ka bërë të ditur se ka vazhduar aktivitetet e saja në parandalimin e aksidenteve në komunikacionin rrugor.

Sipas njoftimit të policisë, përveç se me uniformë, patrullat policore janë angazhuar edhe me automjete dhe rroba civile në lëvizje nëpër lokacione të ndryshme për të identifikuar shoferët që shkaktojnë kundërvajtje të ndryshme në komunikacion.

Në kuadër të këtij aksioni policia ka bërë të ditur se gjatë muajit nëntor ka shqiptuar 4 mijë e 468 gjoba.

Njoftimi i plotë i policisë:

Aktivitetet e policisë gjatë muajit nëntor 2021

Drejtoria Rajonale e Policisë në Ferizaj, ka vazhduar me aktivitetet e saja në parandalimin e aksidenteve në komunikacionin rrugor.

Patrullat e policisë rajonale, në veçanti patrullat e NJRKRR-së, përveç se me uniformë, janë angazhuar edhe me automjete dhe rroba civile në lëvizje nëpër lokacione të ndryshme, në identifikimin e shoferëve të cilët shkaktojnë kundërvajtje të ndryshme në komunikacion.

Në kuadër të këtij aksioni policia gjatë muajit nëntor 2021 ka shqiptuar 4468 gjoba , prej tyre:

– Mos respektimi i shpejtësisë së kufizuar, 650 gjoba

– Përdorimi i telefonit gjatë ngasjes , 818 gjoba

– Mos përdorimi i rripit të sigurisë , 529 gjoba

– Kalimi i afatatit të regjistrimit , 187 gjoba

– Drejtimi i mjetit pa patentë shofer , 109 gjoba

– Xhamat e errët, vendosja e foljes ose materialit tjetër, 105 gjoba

– Tejkalim në vije të plotë apo vend të ndaluar, 78 gjoba

– Kyçja e parregullt në rrugën kryesore, 9 gjoba

– Mjetet pjesëmarrëse pa sinjalizim të duhur ndriçues, 8 gjoba

– Gjendja jo e rregullt teknike e automjetit 6 gjoba

– Drejtimi i automjetit nën ndikimin e alkoolit , 5 gjoba dhe

– Kundërvajtje tjera,bazuar në ligjet në fushën e trafikut rrugor,1964 gjoba

Policia Rajonale e Ferizajt, do të vazhdojë me aktivitete të shtuara edhe ne ditët në vijim, me synim parandalimin e aksidenteve në komunikacionin rrugor dhe fton qyetatarët që të bashkëpunojnë me policinë.Për të gjitha kundërvajtjet që mund të shkaktohen në komunikacion, të njoftojnë menjëherë policinë, stacionin më të afërt, apo përmes aplikacionit digjital ‘’Lajmëro Policinë ‘’ dhe në numrat kujdestarë : 192 ,0290/326-250 & 0290/322-406.Të dhënat e juaja do të ruhen në konfidencialitet të plotë.

Shfaq më shumë