“Duke amnistuar katër banditë që i thyen nofullën një studenteje të Akademisë së Arteve në Novi Sad në fund të janarit, Aleksandar Vuçiç po u dërgon një mesazh të qartë mbështetësve dhe kriminelëve të tij se dhuna ndaj studentëve dhe të gjithë qytetarëve të tjerë nuk është vetëm e lejueshme, por edhe e dëshirueshme, dhe se ai nuk do të mbajë përgjegjësi penale për akte të tilla”, tha Plenumi Akademik.

Plenumi akademik vlerëso se presidenti i Serbisë në këtë mënyrë “hapur ka targetuar” të gjithë qytetarët e Serbisë që tashmë për tetë muaj po kërkojnë drejtësi për vrasjen e 16 njerëzve nga rënja e strehës në stacionin e hekurudhës në Novi Sad dhe “hapur ka bërë thirrje për dhunë ndaj të gjithëve që kërkojnë respektimin e Kushtetutës dhe ligjeve”.

“Përballë një hulumtimi që thotë se edhe në këto kushte humbja e tij në zgjedhje është e sigurt, Presidenti i Serbisë po përpiqet të intensifikojë zemërimin e të gjithë qytetarëve normalë dhe që e duan drejtësinë të Serbisë dhe, nëpërmjet veprimeve të dhunshme të falangave të tij kundër tyre, të hapë hapësirë për futjen e gjendjes së jashtëzakonshme, madje edhe për mundësinë e luftës civile, sepse është i vetëdijshëm se nuk mund ta mbajë më pushtetin në mënyrë paqësore”, tha Plenumi Akademik, transmeton N1.

Plenumi akademik u kërkoi të gjithë qytetarëve të Serbisë të mos bien pre e këtyre provokimeve dhe të ruajnë paqen dhe jetën e qytetarëve.

“Gjithashtu, u bëjmë thirrje të gjithë gjyqtarëve, avokatëve, prokurorëve dhe policisë të qëndrojnë në anën e qytetarëve dhe t’u bashkohen atyre në protesta jo të dhunshme, por kurrë më masive, që do të çojnë në rrëzimin e kësaj qeverie kriminale. Në janar, një studente, fëmija e dikujt, u lëndua rëndë, dhe nesër mund të jetë fëmija i kujtdo. Nuk duhet të heshtim, rezistenca është detyra jonë”, tha Plenumi Akademik.

Ju kujtojmë se Gjykata Themelore në Novi Sad njoftoi se më 2 korrik, Ministria e Drejtësisë i dorëzoi kësaj gjykate vendimin e Presidentit të Republikës së Serbisë për amnisti, me të cilin katër aktivistë të akuzuar të Partisë Progresive Serbe, të cilët akuzohen për sulm ndaj studentëve, përfshirë thyerjen e nofullës së një studenteje natën midis 27 dhe 28 janarit, u liruan nga ndjekja penale për disa krime penale.