Për tejkalim shpejtësie muajin e kaluar janë dënuar 836 shoferë në Tetovë dhe Gostivar

Gjatë muajit nëntor policia në Pollog ka dënuar gjithsej 836 shoferë të cilët kanë tejkaluar shpejtësinë. Më së shumti dënime janë shqiptuar në autostradën Gostivar – Tetovë – Shkup.

Të gjithë shoferët e dënuar, siç njoftojnë nga MPB, do të dënohen me gjoba nga 45 deir 400 euro në kundërvlerë të denarit.

“Krahas gjobave, shoferët që kanë tejkaluar shumë shpejtësinë do t’u merret përkohësisht leja e vozitjes nga 3 deri në 1 vjet. SPB Tetovë sërish u bën thirrje shoferëve të mos tejkalojnë shpejtësinë për arsye se kushtet për vozitje janë rëndësuar për shkak të rrugëve të lagështa por edhe për paralajmërimet se do të ketë borë, posaçërisht në rrugën drejt Mavrovës, Strazhës dhe Kodrës së Diellit”, tha zëdhënësi i SPB Tetovë, Marjan Josifovski.

Kujtojmë se gjatë muajit tetor në këtë rajon janë shqiptuar 311 gjoba, ndërsa në nëntor të vitit 2021 janë regjistruar 23 aksidente me pasoja të rënda dhe 16 automjete kanë dalë nga rruga.

Go to TOP