Presidentja e vendit, Vjosa Osmani, u takua me kryeministrin e Kroacisë, Andrej Plenkoviq.

Gjatë këtij takimi, Osmani e Plenkoviq folën mbi zhvillimet e fundit politike dhe të sigurisë.
“Kosova është mirënjohëse për mbështetjen e qëndrueshme të Kroacisë për finalizimin e procesit të vizave dhe për avancimin e rrugës së Kosovës në BE ndërsa ne aplikojmë zyrtarisht për anëtarësim”, ka shkruar Osmani.

Kujtojmë se krerët e shtetit në vend, kanë deklaruar se Kosova do të aplikojë zyrtarisht për anëtarësim në BE gjatë muajit dhjetor.