Presidentja e Kosovës, Vjosa  Osmani ka përkujtuar 26-vjetorin e masakrës në Qyshk, Zahaq, Llabjan dhe Pavlan.

“Sot përkujtojmë me dhimbje e nderim viktimat e Masakrës në Qyshk, Zahaq, Llabjan dhe Pavlan, civilë të pafajshëm, familjarë e fqinjë, të vrarë mizorisht nga forcat e regjimit gjenocidal serb”, ka shkruar Osmani.

E para e vendit tha se 44 civilë në Qyshk, 17 në Zahaq, 21 në Pavlan dhe 13 në Llabjan u vranë vetëm pse ishin shqiptarë.

“Kujtimi për ta mbetet i përhershëm, ndërsa drejtësia ende mungon. Le të jetë kjo ditë një thirrje për drejtësi. Kosova nuk harron!”, ka thënë Osmani. /Kosova.info/