Presidentja Vjosa Osmani ngushëllon familjen, miqtë dhe komunitetin kulturor për ndarjen nga jeta të aktores Shirine Morina.

Teatri dhe kinematografia, siç thotë ajo në telegram, humbën një aktore të shquar e të dashur për publikun.

“Aktorja Shirine Morina do të mbahet mend për origjinalitetin në lojën e saj skenike në teatër dhe rolet e shumta në serialet televizive. Ju përcjell ngushëllimet e mia më të sinqerta familjes, miqve dhe komunitetit kulturor. Në këto çaste të rënda për familjen, bashkëndjej me ju dhe ju inkurajoj që të gjeni forcë në përballimin e dhimbjes”, shkruan presidentja Osmani. /Kosova.info/