Lagjja Kalabria në Prishtinë do të mbetet pa ngrohje sonte për shkak të një avarie të shfaqur në rrjetin primar të Termokos-it. Kryeshefi i ndërmarrjes, Fisnik Osmani, ka njoftuar se ekipet e mirëmbajtjes janë në terren dhe po punojnë intensivisht për sanimin e defektit.

“Jemi duke bërë përpjekje të mëdha që avaria të riparohet sa më shpejt. Deri në krijimin e kushteve teknike të nevojshme, kjo pjesë e qytetit do të mbetet pa ngrohje,” ka shkruar ai.

Banorët e Kalabrisë pritet të kenë ngrohje sapo të rikthehet funksionaliteti i rrjetit. Termokos u bën thirrje qytetarëve për mirëkuptim dhe siguron se po punohet për një zgjidhje sa më të shpejtë të problemit. /Kosova.info/