Nisma e të rinjve për të drejtat e njeriut në Serbi regjistroi më shumë se 220 murale kushtuar të dënuarit për krime lufte, Ratko Mlladiq, nëpër hapësirat publike nëpër Serbi.
Siç raporton Danas, drejtoresha e iniciativës, Sofija Todoroviq, tha se më se 100 qytetarë u kanë dërguar fotografi të muraleve dhe grafiteve të kriminelit të luftës, Ratko Mlladiq. Sipas saj, rreth 60 murale dhe grafite janë vetëm në Beograd dhe se 40 për qind e muraleve janë në institucionet publike në Serbi.
Todoroviq tha se gjenocidi në Srebrenicë vazhdimisht mohohet në Serbi dhe se shteti serb nuk dëshiron që të dihet e vërteta.