NLB Banka sh.a. Prishtinë ka fituar edhe këtë vit çmimin prestigjioz “Most Active Issuing Bank in Kosova” në kuadër të Programit për Lehtësimin e Tregtisë (Trade Facilitation Programme – TFP) të organizuar nga European Bank for Reconstruction and Development.

Lajmin e bëri të ditur Yll Sejdiu, anëtar i Bordit Udhëheqës të NLB Banka Prishtina, i cili përfaqësoi bankën në ceremoninë e ndarjes së çmimeve të mbajtur në Riga, Letoni.

Sejdiu u shpreh krenar për përfaqësimin e NLB Banka Prishtina në këtë ngjarje ndërkombëtare duke theksuar se çmimi është dëshmi e përkushtimit, profesionalizmit dhe angazhimit të ekipit në mbështetjen e financimit të tregtisë, forcimin e partneriteteve dhe zhvillimin e sektorit bankar në Kosovë.

“Ky çmim pasqyron përkushtimin, profesionalizmin dhe angazhimin e fuqishëm të ekipit tonë në mbështetjen e financimit të tregtisë, forcimin e partneriteteve dhe kontributin në zhvillimin e sektorit bankar në Kosovë”, ka deklaruar Sejdiu.

Ai theksoi se ishte kënaqësi të merrte pjesë në ceremoninë e organizuar në Rigë, ku u mblodhën partnerë dhe institucione të rëndësishme financiare të përkushtuara për avancimin e tregtisë dhe bashkëpunimit ndërkombëtar.

Në fund, Sejdiu falënderoi EBRD-në për vlerësimin e dhënë, si dhe kolegët dhe partnerët që kontribuuan në arritjen e këtij suksesi duke uruar të gjithë ekipin e NLB Prishtina për këtë njohje të rëndësishme ndërkombëtare. /Kosova.info/