Në Varrezat Ushtarake në Vishegrad, ku u ndërtua një monument për vullnetarët rusë që vdiqën duke luftuar në anën e ushtrisë së RS gjatë agresionit në BiH, u vendosën kurora me lule nga Ministri i Punës dhe Mbrojtjes së Veteranëve të RS Dushko Milunovic. Një pjesë e këtyre veteranëve ishin nga shtyllat e sigurimit rus. Deri më tani nuk dihet nëser është ngritur ndonjë aktakuzë kundër pjesëtarëve rus në luftën në BH e cila përfundoi me gjenocid.

Rreth 50 persona, mes të cilëve edhe zyrtarë të Republikës Srpska, janë mbledhur sot në Vishegrad për të shënuar Ditën e Vullnetarëve rusë në BeH, shkruan portali “Investigation”.

Në Varrezat Ushtarake në Vishegrad, ku u ndërtua një monument për vullnetarët rusë që vdiqën duke luftuar në anën e ushtrisë së RS gjatë agresionit në BiH, u vendosën kurora me lule nga Ministri i Punës dhe Mbrojtjes së Veteranëve të RS Dushko Milunoviç . Përveç tij, në tubimin në Vishegrad morën pjesë edhe përfaqësues të disa shoqatave serbo-ruse nga RS, Serbia dhe Mali i Zi, duke përfshirë Savo Cvjetinoviq , president i Konventës së Miqësisë Serbo-Ruse.

Anëtarët e EUFOR ishin të pranishëm në Vishegrad gjatë gjithë ceremonisë. Kjo datë është përfshirë në kalendarin e ngjarjeve të rëndësishme historike të Republikës Srpska dhe në atë ditë institucionet e RS falënderojnë vullnetarët rusë që luftuan në luftën në BiH.

Sipas vlerësimeve jozyrtare, rreth 700 qytetarë rusë luftuan në Ushtrinë e RS nga 1992 deri në 1995 dhe 37 u vranë. Emrat e tyre janë gdhendur në një monument në Vishegrad, ku përfaqësuesit e RS dhe shoqatave të veteranëve rusë mblidhen çdo 12 prill për t’i bërë homazhe vullnetarëve rusë së bashku me zyrtarët e RS. Ndër vullnetarët rusë më të famshëm që luftuan në BiH është Igor Girkin, i njohur më mirë si Strelkov. Ai është një ish-anëtar i shërbimeve të inteligjencës ruse që luftoi në Moldavi (Transnistri), Bosnje dhe Hercegovinë dhe që nga viti 2014 ka qenë një nga krerët e formacioneve paraushtarake pro-ruse në Ukrainë./KI