Për shkak të punimeve infrastrukturore që po realizohen nga Drejtoria e Investimeve Kapitale, një segment i rrugës “Fehmi Lladrovci” në Prishtinë do të mbyllet përkohësisht për qarkullim.

Mbyllja do të përfshijë korsinë e djathtë të segmentit të dytë të rrugës, në drejtim të Qendrës së Studentëve, nga rrethi afër Interex-it deri te semaforët prapa Qendrës së Studentëve.

Sipas njoftimit, kufizimi i qarkullimit do të jetë në fuqi nga 13 korriku 2026, ora 20:00, deri më 16 korrik 2026, ora 20:00.

Gjatë kësaj periudhe, qytetarët rekomandohen të përdorin rrugët alternative:

– Rruga “Arbnor dhe Astrit Dehari” – Rruga B – dalje në rrugën “Agim Ramadani”;

– Rruga “Mark Dizdari”, në drejtim të Fontanës – dalje në rrugën “Agim Ramadani”.

Lëvizja e këmbësorëve do të mbetet e mundësuar, ndërsa qarkullimi i automjeteve do të menaxhohet përmes sinjalizimit dhe personelit në terren.

Komuna ka kërkuar mirëkuptimin e qytetarëve gjatë realizimit të këtyre punimeve, të cilat synojnë përmirësimin e infrastrukturës rrugore. /Kosova.info/