Ushtarë nga e mbarë bota po vazhdojnë t’i bashkohen legjionit të huaj të Ukrainës, të motivuar nga nevoja për të ndihmuar në “konfliktin më të rëndësishëm në 50 vjetët e fundit”, siç është shprehur një vullnetar amerikan.

Ushtarë perëndimorë me përvojë, ndonëse të mahnitur me atë që homologët ukrainas kanë bërë deri më tani, për t’i rezistuar pushtimit rus, gjithashtu thonë se duan të ndihmojnë që t’i ngritin praktikat ushtarake në nivelet e NATO-s.