Të dielën u zhvilluan ndeshjet gjysmëfinale në Ligën e Juniorëve të Kosovës në hendboll (U20).

Ndeshjet u zhvilluan në palestrën “Jeton Tërstena – Tota” në Vushtrri dhe ishin të forta e interesante.

Fillimisht Kastrioti i Ferizajt e mposhti Deçanin me rezultat 38:36.

Në gjysmëfinalen e dytë, Besa Famgas fitoi ndaj Vushtrrisë me rezultatin 32:25.

Ndeshjet vendimtare zhvillohen të hënën mbrëma.

Fillimisht ndeshja për vend të tretë luhet nga ora 18:00. Finalja e madhe mes Kastriotit dhe Besa Famgasit fillon në ora 20:00.

Me këtë ndeshje përfundojnë garat e edicionit 2025/2026 që nisën që në shtatorin e kaluar.