Kancelari i Gjermanisë, Olaf Scholz, është zotuar të mërkurën që shteti të cilin e drejton ta furnizojë Ukrainën me një paketë të re armesh, në mënyrë që Kievi ta përballojë agresionin rus.

Këto komente, Scholz i ka bërë gjatë një adresimi para deputetëve gjermanë.

Ai ka deklaruar se në Ukrainë do të dërgojnë sisteme të mbrojtjes tokë-ajër me rreze të mesme – më moderne në armatimin e saj ushtarake, raporton BBC.

Po ashtu edhe presidenti amerikan, Joe Biden, ka deklaruar të mërkurën që janë duke u përgatitur për ta furnizuar Ukrainën me armatim të avancuar.

Kjo iniciativë e perëndimit vjen pasi Rusia ka pushtuar një sërë zonës së Ukrainës Lindore.

Ndërkohë, presidenti ukrainas, Volodymyr Zelenskyy, vazhdimisht i ka kërkuar perëndimit armatim të rëndë.

Që nga 24 shkurti, Rusia ka nisur pushtimin e Ukrainës, si rezultat i kësaj Kremlini po përballet me sanksione prej vendeve perëndimore.