“Ka shije thuajse si pula”, Pas mishit të kalit dhe balenës, Blendi Fevziu provon mishin e krokodilit
Gazetari Blendi Fevziu po udhëton në vendet e Afrikës duke eksploruar kulturat e ndryshme.
Në ndalesën e tij të radhës në Namibi, ai ka vendosur të provojë edhe një specialitet të rrallë vendas, mishin e krokodilit.
I shoqëruar nga një vendas ku nga videoja mësohet se quhet Kuda, Fevziu zhvillon me të një bisedë të shkurtër për të treguar se si konsumohet mishi i krokodilit.
Po ashtu, gazetari Fevziu ka ndarë edhe disa video në InstaStory të zvarranikëve gjigandë.
Pjesë nga biseda:
Blendi Fevziu: Mishi i krokodilit është shumë popullor në disa vende të Afrikës, edhe pse i rrallë. Shumë vitemë parë kam provuar në Kenia, do doja ta provoja edhe në Namibi. Kuda, ky është krokodil?
Kuda: Po, ky është krokodil.
Blendi Fevziu: Ne mund ta hamë krokodilin?
Kuda: Ne mund ta hamë krokodilin, bishti është ai që hamë zakonisht dhe gjithashtu brinjët.
Blendi Fevziu: Dhe brinjët? Është mish i bardhë?
Kuda: Po, ka shije thuajse si pula.
Blendi Fevziu: Pulë e vjetër. Por meqenëse kam provuar krokodil më parë, kam provuar mishin e kalit në Mongoli dhe në Kirgistan, kam provuar balenën në Islandë, tani nuk kisha si mos ta provoja krokodilin edhe në Namibi. Është i famshëm këtu?
Kuda: Është një specialitet.