Ish-deputeti i Kuvendit të Kosovës, Islam Pacolli, ka dhënë dorëheqje nga subjekti politik i Aleancës Kosova e Re.

Përmes një statusi në Facebook, Pacolli ka bërë të ditur se ka marrë vendim që për shkaqe personale të jap dorëheqje të pa revokueshme nga të gjitha strukturat dhe funksionet në AKR.

“Ju njoftoj se për shkaqe personale jap dorëheqje të pa revokueshme nga të gjitha strukturat dhe funksionet në subjektin politik AKR”, ka shkruar Pacolli.

Ai ka falënderuar kreun e AKR-së, Behgjet Pacollin dhe votuesit e AKR-së për mbështetjen që i kanë ofruar.

Njoftimi i plotë:
N J O F T I M
Të nderuar miq, përkrahës dhe qytetarë,Ju njoftoj se për shkaqe personale jap dorëheqje të pa revokueshme nga të gjitha strukturat dhe funksionet në subjektin politik AKR.Familjes time,presidentit te AKR-së,z.Behgjet Pacolli, votuesve të nderuar të këtij subjekti politik dhe të gjithë mbështetësve të mi, ju jam mirënjohës dhe falënderues përjetësisht.Me respektIslam Pacolli.