Hamasi i ka shkruar një letër Presidentit të SHBA-së, Donald Trump, duke kërkuar që ai të garantojë një armëpushim 60-ditor në Gaza në këmbim të lirimit të gjysmës së pengjeve që mban, raporton Fox News, duke cituar një zyrtar të lartë të administratës Trump dhe një burim të përfshirë në negociata.

Një burim i njohur me çështjen konfirmon raportin për The Times of Israel. Sipas raportit, letra aktualisht mbahet nga Katari dhe do t’i dorëzohet Trump më vonë gjatë javës.

Një burim i thotë Channel 12 News se Hamasi nuk e ka nënshkruar ende letrën, por mund ta bëjë këtë në ditët në vijim.

Katari ka pezulluar përpjekjet e ndërmjetësimit për një marrëveshje për të liruar 48 pengjet e mbetura në Gaza, që kur Izraeli u përpoq të eliminonte udhëheqjen e Hamasit në Doha më herët këtë muaj.