Florent Hadergjonaj tha në përfundim të ndeshjes së humbur ndaj Suedisë se Kosova duhej të bënte më shumë në këtë transfertë.

“Pas ndeshjes është më e lehtë për të analizuar, përse nuk e bëmë këtë apo përse nuk e bëmë atë. Por, ne të gjithë, si ekip e dimë që kemi mundur më shumë. Në pjesën e dytë patëm raste në 15-20 minutat e para, rrezikuam, e gjetëm edhe golin, por ishte pozitë jashtë lojë. Ishte speciale mbështetja e tifozëve në stadium. I falënderoj të gjithë ata që ishin në stadium dhe nga shtëpia. Kërkoj falje që nuk arritëm ta gëzonim popullin tonë”, – përfundoi mbrojtësi deçanas.

Suedia fitoi 3:0 ndaj Kosovës në “Friends Arena” në Stokholm.