Gruaja më e kërkuar nga Europol: Zbuloni se si 40-vjeçarja krijoi skemën e vrasjes së bashkëshortit për t’i marrë pasurinë

Eva Zamecnikova është gruaja e vetme, mes 65 janë kriminelëve më të kërkuar nga EUROPOL, në  listën e përditësuar së fundmi.

40-vjeçarja sllovake është dënuar me tetë vite burg për vrasje të mbetur në tentativë.

Sipas aktakuzës, biznesmenia e cila kishte një dyqan lulesh në Sllovaki, ka urdhëruar vrasjen e bashkëshortit të saj më 15 janar të vitit 2014 duke i dhënë një vrasësi me pagesë 50 mijë euro.

Por ky i fundit, iu drejtua policisë dhe u bë dëshmitar i kësaj ngjarjeje.

Ajo planifikoi të shpallte të zhdukur bashkëshortin dhe kështu të merrte pjesën tjetër të shtëpisë së tyre.

Sipas dëshmitarit, arsyeja pse ajo donte të hiqte qafe burrin e saj është se nuk donte ta mbante më me para.

Që në fillim, pretendoi se ishte e pafajshme dhe gjithashtu hodhi poshtë marrëveshjen me personin që do të kryente vrasjen.

Ajo ka theksuar vazhdimisht se vrasja e bashkëshortit të saj nuk lidhet me asnjë përfitim financia, duke theksuar se ka të ardhura shumë herë më të larta, duke përfshirë biznesin dhe truall.

Eva Zamecnikova u arrestua më 24 janar të vitit 2014, ndërsa zbuloi se ishte shtatzënë.  Në gusht  ajo u lirua me kusht dhe në shtator lindi një vajzë, e cila jeton në Bohemi.

Ndërsa më 14 janar 2020, Gjykata e Lartë e Republikës Sllovake lëshoi ​​një urdhër-arresti për të.

Më 9 qershor të vitit 2020, Gjykata e Specializuar Penale në Pezinok lëshoi ​​një urdhër-arresti ndërkombëtar për Eva Zamecnikovan.

Image
Go to TOP