Ditët më të forta të diellit të verës mund të jenë pas nesh, por ka pasur një rikujtim të ashpër rreth aplikimit të kremit kundër diellit.

Në internet është publikuar imazhi i një gruaje 92-vjeçare, e cila për vite me radhë ka lënë pas dore aplikimin e kremit kundër diellit në qafë.

Qafa e saj e goditur nga dielli është e mbuluar me rrudha dhe njolla – në krahasim me fytyrën e saj të pastër që është mbrojtur mirë gjatë viteve.

Imazhi i gruas pa emër u publikua në Gazetën e Akademisë Evropiane të Dermatologjisë dhe Venereologjisë si dëshmi e përfitimeve të mbrojtjes efektive nga rrezet ultraviolet. Ekspertët nga Universiteti Teknik në Mynih, Gjermani, thanë se imazhet tregojnë ‘ndryshimin e habitshëm në dëmtimin diellor’ midis pjesëve të trupit që mbroheshin nga dielli.

Dermatologu Dr. Chritsian Posch tha se fotografia e gruas tregon se “parandalimi i efekteve negative të rrezatimit UV është i rëndësishëm dhe i zbatueshëm”. Ai tha: “Ekzaminimi klinik zbulon një ndryshim të habitshëm në dëmtimin diellor midis faqes dhe qafës së saj”.

Ndërsa lëkura juaj do të plaket natyrshëm me kalimin e kohës, duke bërë që ajo ta bëjë këtë me shpejtësi për shkak të ekspozimit ndaj ultravjollcës quhet ‘photo-aging’. Rreth 90 për qind e të gjitha ndryshimeve të dukshme në lëkurë shkaktohen nga ‘photi-aging’, pretendon Fondacioni për Kancerin e Lëkurës.

Rrezet UV mund të depërtojnë në dy shtresat e para të lëkurës – epidermën dhe dermën – dhe dëmtojnë ADN-në e qelizave.