Pamjet drithëruese të filmuara nga një dron në Florida tregojnë një peshkaqen që u afrohet fshehtas nën këmbë pushuesve që lahen në det.

Në pamje duken dy burra duke u larë në bregun e Dejtonës teksa silueta e një peshkaqeni noton drejt tyre. I njëjti peshkaqen notoi deri tek një grup tjetër notarësh.

Klipet e frikshme u filmuan nga Robert Russ dhe vëllai i tij në fillim të këtij muaji.

Russ tha për Fox 35: “Ai notoi drejt shumë njerëzve përpara se të kuptonte se nuk ishin ushqim.”

“Ishte shqetësuese në ato momente të shikoja peshkaqenin mes tyre, pasi ka shumë njerëz të kafshuar këtu, por sipas konfirmimeve janë përgjithësisht kafshime të paqëllimshme.”

Vitin e kaluar, kafshimet e paprovokuara të peshkaqenëve në SHBA përbënin 64 për qind të totalit global, sipas të dhënave të përpiluara nga Universiteti i Floridës.

47 raste të konfirmuara të kafshimeve të paprovokuara u regjistruan në SHBA në vitin 2021, më shumë se kudo tjetër në botë.

Shifrat tregojnë se kafshimet e peshkaqenëve në SHBA janë rritur 42 për qind nga viti 2020, kur u regjistruan vetëm 33 kafshime, dhe nga të gjitha shtetet e Amerikës, shumica e kafshimeve ndodhin në Florida.

Dosja Ndërkombëtare e Sulmit të Peshkaqenëve raporton se pikat e zeza, si ajo e kapur në pamjet e dronit të Russ, janë përgjegjëse për rreth 15 për qind të kafshimeve të paprovokuara që kanë ndodhur që nga viti 1926.

Vetëm muajin e kaluar, një burrë mbeti me këmbë “të copëtuar” pas një sulmi nga një peshkaqen në një plazh tjetër të Floridës.