Kandidati i Partisë Demokratike të Kosovës në Mitrovicë, Bedri Hamza është shprehur optimist se do ta fitojë garën për kryetar të kësaj komune pa balotazh.

“Në bazë të atmosferës që e vërejë në qytet, punës që po bëhet, komunikimi me njerëz vërehet që është një atmosferë pozitive dhe unë jam optimist racional që gara do të mbyllet pa balotazh dhe unë të jem fitues”, ka thënë Hamza në Politiko të Kanal 10.

Ai ka thënë se kandidaturën ua ka pasur borxh qytetarëve të Mitrovicës.

“Ua kam pasur borxh qytetarëve të Mitrovicës që t;ua paraqes ofertën time, një ofertë serioze, racionale e të matshme. Kam pasur përkrahje të vazhdueshme nga ta dhe ka qenë një pritje nga qytetarët e Mitrovicës që unë të jem kandidat për kryetar komune dhe natyrisht me një vendim racional kam paraqitur kandidaturën time”, shtoi Hamza.

Ai ka thënë se i respekton dhe vlerëson njerëzit e Mitrovicës.

“Unë jetoj në Mitrovicë i respektojë njerëzit e Mitrovicës e dua atë qytet dhe për këtë kam vendosur të jem kandidat për kryetar të Mitrovicës”, tha Hamza.