Sot një aksident trafiku ka ndodhur mes një veture dhe kamioni në rrugën nacionale Mitrovicë – Prishtinë përkatësisht në fshatin Debërllukë, ku ka vdekur shoferi i veturës.

Lajmin e konfirmoi zëdhënësi i Policisë në Mitrovicë, Avni Zahiti.

Ai tha se viktima është 60 vjeç.

“Rreth orës 11:55,është raportuar për një aksident trafiku me pasojë fataliteti i shkaktuar në rrugën nacionale Mitrovicë – Prishtinë përkatësisht në fshatin Deberlluke. Në aksident janë përfshirë një veturë dhe një kamion, ku si pasojë e lëndimeve të pësuara në aksident ka humbur jetën shoferi i veturës viktima rreth 60 vjeçar. Njësitet përkatëse policore kanë dalë në vendngjarje dhe po zhvillojnë hetimet për aksidentin.”