Reçaku është ndër plagët më të mëdha të luftës së Kosovës, ku armiku serb masakroi 45 civilë shqiptarë në mënyrë ç’njerëzore. Pas 23 vitesh nga masakra, Reçaku lartësoi shkronjat e arta të UÇK-së në malin ku i gjithë Reçaku ndriçohet sapo bie nata e errët, si ngushëllim për popullin që humbën më të dashurit e tyre.

Shkronjat e ngritura në Reçak ishin frymëzim për Metali Bardhi, Nesim Curri, Xhemile Curri dhe Liridona Ballazhi, që të formonin grupin e organizatorëve prej 4 personave, që ia vunë vetes synim që këto shkronja të arta të UÇK-së të lartësohen në Han të Elezit, qytet ky i cili është edhe porta hyrëse e Kosovës për çdo kalimtarë/e që futet nga Maqedonia e Veriut, dhe si një vend i tillë strategjik, organizatorët dhe vetëfinancuesit vendosën që këto shkronja të vendosen përballë qytetit, e cila përveç që jep mesazhin se Hani i Elezit ka zot shtëpie me historik të gjatë të rrugës çlirimtare, e poashtu, në këto kohë të vështira për Kosovën, këto shkronja do të ishin sikur roje nga qielli për popullin që poshtë punon e vepron.

Ky projekt vetëfinancues nga katër organizatorët, u përkrah fuqishëm nga Kryetari i Komunës Mehmet Ballazhi, i cili iu siguroi të gjitha kërkesat e grupit organizativ të shkronjave, duke filluar nga lëshimi në shfrytëzim i pronës, e deri te përkrahja e vazhdueshme morale, i cili ishte zv.Komandant i Ushtrisë Çlirimtare të Kosovës dhe Komandant i Ushtrisë Çlirimtare Kombëtare, e poashtu dekada të tjera të veprimtarisë “Ilegale” të kohës së Ish-Jugosllavisë, duke qenë pjesë e demostratave, e organizatave të ndryshme, e poashtu edhe ish-i burgosur politik.

Vlenë të cekët se shpalosja e këtyre 3 shkronjave të arta të “Ushtris Çlirimtare të Kosovës”,u bë në 15-Vjetorin e shpalljes së Pavarësis së Kosovës.

Këto shkronja duhet të ndriçohen në çdo qytet të Kosovës, sepse nën emblemën e saj erdhi liria e Kosovës./ kosova.info