Kryetari i Mitrovicës, Bedri Hamza i cili vjen nga radhët e PDK’së, Bedri Hamza thotë se me ligjin e ri të pagave, për herë të parë po ndodh ulje pagash në Kosovë.

Hamza në emisionin ‘Pressing’ në T7 thotë se i gjithë sektori i drejtësisë do të pësojë nga ka ligji i ri i pagave.

“Me këtë ligj të pagave për herë të parë ndodh zvogëlimi pagave për kategori të caktuara. Komplet sektori i drejtësisë kanë me pësuar prej ligjit të pagave. Auditorët e brendshëm dhe të jashtëm, inspektorët tatimorë, janë shtylla të rëndësishme të shtetit dhe shumë kategori tjera që realizojnë paga përmes buxhetit të Kosovës”, tha Hamza.

Tutje ai tha se e sheh si problem koeficientin që e përcakton pagën e gjyqtarit, prokurorit, e të auditorit të brendshëm e jashtëm.