Edhe pse kanë kaluar vetëm dy vite që kur hyri fuqishëm në skenë, Bardhi është kthyer në një nga yjet e estradës shqiptare.

Artisti me origjinë nga Kumanova përgjatë kësaj kohe ka mahnitur me projektet që ka sjell, performancat live e mes tjerash edhe me vokalin e veçantë.

Bardhyl Idrizi (emri i vërtetë) edhe në vitin 2022 ka qenë mjaft i angazhuar me projekte dhe bashkëpunime, ndonëse nuk ka lënë anash as mbrëmjet e koncertet.

Duke qenë një artist shumë i kërkuar në tregun muzikor, ai tanimë ka fituar zemrat e gjithë publikut anembanë trojeve shqiptare dhe jo vetëm.

Në një intervistë, Bardhi ka shpalosur detajet e vitit 2022, të pathënat e gjithashtu dhe planet për këtë vit.

Kosova.info: Vitin që lamë pas ke sjell një sërë këngësh e bashkëpunimesh, cilën nga këto e vlerëson më shumë?

Bardhi: “Kënga ‘Betohemi’ që nga dita e parë është vlerësuar shumë. Por, mund të them që kënga me Elvana Gjatën dhe DJ GIMI-O ka qenë ndoshta dhe një mrekulli për mua”.