Ish-Missi i SHBA-së, Cheslie Kryst vdiq të dielën në mëngjes (30 janar), në moshën 30-vjeçare.

Kryst, e cila u kurorëzua Miss SHBA në vitin 2019, ndërroi jetë pasi u hodh nga një ndërtesë 60-katëshe në New York rreth orës 7:15 të mëngjesit sipas orës lokale, tha Departamenti i Policisë së qytetit.

“Të shkatërruar dhe pikëllim të madh, ne ndajmë lajmin për vdekjen e Cheslie-t tonë të dashur. Drita e saj e madhe ishte ajo që frymëzoi të tjerët në mbarë botën me bukurinë dhe forcën e saj. Ajo kujdesej, donte, qeshte dhe shkëlqeu”, tha familja e saj në një deklaratë, shkruan People.

Foto: WireImages

Kryst ishte një avokate që kërkoi të ndihmonte në reformimin e sistemit të drejtësisë në Amerikë. Ajo mori tre diploma nga dy universitete.

Me origjinë nga Karolina e Veriut, Kryst ushtroi një proces gjyqësor civil për një firmë ligjore dhe punoi për të ndihmuar të burgosurit që mund të ishin dënuar padrejtësisht të merrnin dënime të reduktuara.

Foto: REX

Kryst gjithashtu punoi si korrespondente për faqen e lajmeve argëtuese ExtraTV.

Përveç punës në drejtësi, ajo drejtonte një blog për modën, White Collar Glam , për veshjet e punës për femra dhe ishte vullnetare për Dress for Success.

Foto: AP

Kryst thuhet se jetonte në katin e nëntë të ndërtesës  dhe u pa për herë të fundit në një tarracë të katit të 29-të, sipas mediave.

Kryst, u kurorëzua Miss SHBA si Miss Karolina e Veriut në maj 2019. Ajo dhe tre vajza të tjera – Nia Imani Franklin (Miss Amerika) Kaliegh Garris (Miss Teen USA) dhe Zozibini Tunzi (Miss Universe) – u bënë grupi i parë i femrave me ngjyrë që u kurorëzuan me çmime bukurie në të njëjtin vit.