Të paktën 12 persona kanë vdekur nga përmbytjet e shkaktuara nga shirat e dendur gjatë natës në Irakun verior dhe verilindor.

Ujërat me baltë vërshuan rrugët dhe shtëpitë në qytetin e Erbilit, kryeqyteti i rajonit gjysmë-autonom të Kurdistanit të Irakut, dhe qytete të tjera në provincë, shkruan CNN.

Operacionet e shpëtimit janë duke u zhvilluar dhe zyrtarët vazhdojnë të kërkojnë për disa njerëz të zhdukur.