“Jam shumë i lumtur që të kam takuar”, përqafime dhe puthje mes Donaldit dhe Beatrix
Pas spektaklit të mbrëmshëm të Big Brother VIP, banorët duhet të zgjidhnin dy persona për befasinë që ‘Vëllai i Madh’ kishte përgatitur.
Ata vendosën për prezantuesin Donald Veshaj dhe këngëtaren Beatrix Ramosaj, gjersa dyshja më pas po shijonin në oborr një darkë romantike e po flisnin për marrëdhënien e tyre.
Duke qenë se ditëve të fundit është parë një afrimitet i madh në mes tyre, ata filluan t’ia shprehnin ndjenjat njëri-tjetrit.
Donald Veshaj dhe Beatrix Ramosaj (Foto: Instagram)
Aktori nga Vlora ka shprehur hapur se është i lumtuar që e ka takuar ndonëse ndodhet në një situatë të vështirë.
“Jam shumë i lumtur që të kam takuar, me të vërtetë. Po më duket shumë e çuditshme e gjithë situata”, ka thënë Veshaj kurse Ramosaj menjëherë pas fjalëve të moderatorit shtoi: “Faleminderit shumë që më ke bërë të ndjehem shumë mirë”.
Donald Veshaj dhe Beatrix Ramosaj (Foto: Instagram)
“Kisha shumë frikë të flisja. O Zot i madh. Shumë frikë se ki iden. Mendoja, si mund të ishin llogaritë”, ka thënë më tej Beatrix.
Të njëjtit u kritikuan mjaft shumë për raportin e krijuar, pasi Donaldi në fillim të programit u ndesh në një situatë tjetër me prezantuesen Bora Zemani.