Prokuroria Themelore në Pejë, në bashkëpunim me Njësitin Antidrogë të Policisë së Kosovës në Pejë, kanë zhvilluar një aksion ku është zbuluar një laborator i madh i drogës.

Aksioni është realizuar në një fshat të komunës së Pejë, ku gjatë kontrollit është sekuestruar një sasi e konsiderueshme e substancave narkotike. Po ashtu, në vendin e ngjarjes është zbuluar edhe një laborator që dyshohet se shërbente për prodhimin e narkotikëve.

Në vendin e ngjarjes kanë dalë njësitet relevante policore, përfshirë Njësitin Antidrogë, si dhe prokurori i krimeve të rënda nga Prokuroria Themelore në Pejë, të cilët janë duke ndërmarrë veprimet e nevojshme hetimore.

Sipas zëdhënësit të Prokurorisë, Shkodran Nikçi, lidhur me këtë rast priten edhe arrestime, ndërsa hetimet janë në zhvillim. /Kosova.info/