Legjenda e futbollit francez, Jean-Pierre Papin, ka vlerësuar lart yllin aktual të Franca, Kylian Mbappe, duke e cilësuar atë si sulmuesin më të madh në historinë e përfaqësueses.

Deklarata e Papin vjen pas paraqitjes së fundit të Mbappes, i cili realizoi në fitoren 2:1 ndaj Brazili, duke çuar në 56 numrin e golave të tij në 95 paraqitje – vetëm një më pak se rekordi i Olivier Giroud.

Në një intervistë për “RMC”, Papin u shpreh i bindur se Mbappe jo vetëm që ka arritur majat, por ende nuk e ka dhënë maksimumin e tij.

“Sot, për mua, ai është sulmuesi më i madh në historinë e Francës. Dhe e dini çfarë? Mendoj se do të bëhet edhe më i madh”, deklaroi Papin.

Ish-fituesi i Topit të Artë preku edhe temën e trofeve individuale dhe atyre me kombëtaren, duke lënë të kuptohet se suksesi me ekipin kombëtar ka më shumë peshë.

“Ai ende nuk e ka fituar ‘Topin e Artë’, por a do ta ndërroja unë timin për një titull me Francën? Ndoshta. Është diçka për t’u menduar. Unë nuk kam luajtur kurrë për ta fituar atë çmim, dhe e fitova. Por do të doja shumë të kisha një Kupë Bote, dhe këtë nuk e arrita kurrë”, përfundoi Papin.