Ambasadori britanik Jonathan Hargreaves zhvilloi sot një vizitë në Mitrovica e Veriut, ku realizoi takime me përfaqësues institucionalë dhe politikë të komunitetit lokal.

Gjatë qëndrimit të tij, ai pati një shkëmbim konstruktiv me Presidencën e Srpska Lista, si dhe një takim të veçantë me kryetarin e komunës. Në këto takime, Hargreaves i përgëzoi për rolin e tyre konstruktiv në marrëveshjen e fundit lidhur me Ligjin për të huajt duke i inkurajuar që të vazhdojnë angazhimin për të ndihmuar qytetarët në realizimin e të drejtave të tyre.

Në kuadër të vizitës, ai qëndroi edhe në Kisha e Shën Dhimitrit, ku u takua me Atë Gjordjen. Gjatë këtij takimi, diplomati britanik theksoi rëndësinë e dialogut me komunitetin lokal duke marrë një pasqyrë më të thellë mbi perspektivat dhe sfidat me të cilat përballet komuniteti në këtë pjesë të vendit.

Vizita e tij vjen në një kohë të rëndësishme për zhvillimet në veri duke theksuar nevojën për bashkëpunim dhe qasje gjithëpërfshirëse në trajtimin e çështjeve që prekin qytetarët. /Kosova.info/