Komandanti i misionit paqeruajtës të NATO në Kosovë, Kosovo Force (KFOR), Ozkan Ulutash,ka deklaruar në një intervistë për një media në Beograd se situata e sigurisë në Kosova është e qetë, por mbetet e brishtë për shkak të tensioneve politike që vazhdojnë të ekzistojnë.

Ai theksoi se aktualisht mjedisi i sigurisë është stabil dhe nuk ka një model të vazhdueshëm të dhunës, ndërsa liria e lëvizjes për qytetarët po ruhet. Megjithatë, sipas tij, tensionet e pazgjidhura politike nënkuptojnë se edhe incidente të vogla – si mosmarrëveshje, keqkuptime apo ngjarje me ngarkesë politike – mund të përshkallëzohen shpejt nëse nuk menaxhohen me përgjegjësi.

Komandanti i KFOR-it theksoi se misioni mbetet vigjilent dhe vazhdon të mbajë një prani të dukshme dhe fleksibile në gjithë territorin e Kosovës për të reaguar ndaj çdo zhvillimi që mund të ndikojë në sigurinë dhe stabilitetin rajonal.

Ai bëri të ditur se forca dhe pozicionimi i trupave të KFOR-it rishikohen rregullisht në përputhje me zhvillimet në terren, por aktualisht nuk ka ndryshime të mëdha të planifikuara.

Në intervistë u theksua gjithashtu roli i rëndësishëm i Shtetet e Bashkuara të Amerikës në kuadër të misionit të KFOR-it, me rreth 600 trupa të dislokuara në Kosovë, të cilat udhëheqin edhe Komandën Rajonale Lindje të misionit.

Ulutash kujtoi se misioni vazhdon të zbatojë mandatin e tij të bazuar në Rezoluta 1244 e Këshillit të Sigurimit të OKB-së duke kontribuar për një mjedis të sigurt dhe për lirinë e lëvizjes për të gjithë qytetarët në Kosovë, në koordinim me Policia e Kosovës dhe misionin e Bashkimi Evropian për sundimin e ligjit, EULEX. /Kosova.info/