Kryetari i grupit parlamentar të Partisë Socialiste, Taulant Balla, i cili është gjithashtu drejtues politik i PS-së për diasporën, mori pjesë sot në Konferencën e Sigurisë në Mynih. Gjatë qëndrimit në Mynih, Balla zhvilloi një drekë pune me Richard Grenell, të Dërguarin Special të Presidentit Donald Trump për Misionet Speciale të SHBA. Balla shprehu mirënjohjen për Dërguarin Special Grenell për mbështetjen e tij lidhur me pafajësinë e ish-presidentit Hashim Thaçi dhe drejtuesve të Ushtrisë Çlirimtare të Kosovës (UÇK).

“Ftesa për Kryeministrin Rama në Bordin e Paqes të iniciuar nga Presidenti Trump e ka ngjitur Shqipërinë në nivelin më të lartë të vendimmarrjes, aty ku diskutohen politikat globale të paqes dhe garantimi i saj përmes sigurisë”, shkroi Balla në një postim në rrjetet sociale.

Sipas tij, “Shqipëria shihet sot si aktor që kontribuon në zgjidhje globale, jo thjesht si pjesë periferike e tyre”.

Balla gjithashtu i shprehu mirënjohjen të Dërguarit Special Grenell për mbështetjen mbi pafajësinë e presidentit Hashim Thaçi dhe drejtuesve të UÇK.