Një person është lënduar në Brezovicë, pasi skijonte në zonë të ndaluar dhe bashkë me dy persona të tjerë shkaktuan ortek bore.

Zëdhënësi i Policisë së Kosovës për rajonin e Ferizajt, Kanun Veseli, konfirmoi për RTKlive se i lënduari është transportuar te ekipet mjekësore përmes ndihmës së Shërbimit të Shpëtimit.

 “Rreth orës 12:30, tre skiatorë që po skijonin jashtë shtigjeve të lejuara në zonën “Foleja e Shqiponjës” shkaktuan një ortek të vogël, ku njëri prej tyre u lëndua lehtë në gju. Shërbimi i Shpëtimit reagoi menjëherë dhe e transportoi të lënduarin në ambulantën e Hotel Molikës, ku mori ndihmën e parë”, thuhet në njoftimin e tij.