Presidenti i UPMVSh-së, Ervin Resuli, ka njoftuar se Shqipëria ka depozituar zyrtarisht kërkesën për të pritur Asamblenë e Përgjithshme të Federatës së Veterinerëve të Europës (FVE) në pranverën e vitit 2028 – një ngjarje historike për vendin dhe profesionin veterinar.

Me mbështetjen e pakufizuar të Presidentit të FVE, z. Siegfried Moder, Shqipëria synon të bëhet mikpritëse e forumit më të madh kontinental të shkencës veterinare, ku marrin pjesë:

🔹 Veterinerët e Europës (43 vende anëtare + 1 vëzhgues)

🔹 Të gjitha seksionet kryesore të FVE: UEVP, UEVH, EASVO, EVERI

🔹 Shoqatat Amerikane, Kanadeze dhe partnerë të tjerë ndërkombëtarë

🔹 Organizatën Botërore të Veterinerëve (WVA)

Nëse miratohet, kjo do të jetë hera e parë në histori që Shqipëria pret këtë forum global duke e vendosur vendin në qendër të hartës ndërkombëtare të veterinarisë, sigurisë ushqimore dhe shëndetit publik.

Viti 2028 merr një simbolikë të veçantë, pasi përkon me 100-vjetorin e themelimit të Mjekësisë Veterinare në Shqipëri – një shekull dedikim, shkencë dhe shërbim ndaj mirëqenies së kafshëve dhe shëndetit publik.

“Shqipëria do të shndërrohet në qendrën e vëmendjes së botës veterinare duke vendosur një standard të ri profesional dhe shkencor,” theksoi Resuli duke e cilësuar këtë si Vit i Artë i Veterinarisë Shqiptare. /Kosova.info/