Agjencia për Barazi Gjinore i ka shprehur urime presidentes së Kosovës, Vjosa Osmani, e cila është nderuar me çmimin prestigjioz “Gratë, Paqja dhe Siguria” nga Asambleja Parlamentare e NATO-s.

Kjo agjenci thotë se ky vlerësim ndërkombëtar është dëshmi e kontributit të jashtëzakonshëm të presidentes Osmani në fuqizimin e rolit të grave në paqe, siguri dhe procese vendimmarrëse, si dhe në promovimin e vlerave demokratike dhe barazisë gjinore në Kosovë dhe më gjerë.

Presidentja Osmani u nderua nga Asambleja Parlamentare e NATO-s me Çmimin për Gratë, Paqen dhe Sigurinë, duke u bërë liderja e parë nga Evropa Juglindore që nderohet me këtë çmim.