Q.S. “Përpjekja” ka bërë thirrje publike për një protestë popullore këtë të premte, më 15 gusht duke nisur nga ora 19:00, para objektit të Gjykatës Themelore në Gjilan.

Në njoftimin e tyre, organizatorët e kanë cilësuar sistemin e drejtësisë si “të kalbur” dhe e kanë akuzuar atë se po prodhon padrejtësi në çdo hap.

“Sistemi i drejtësisë po vret! I ftojmë të gjithë qytetarët që të marrin pjesë e të bashkohen në këtë protestë kundër padrejtësive që po i bëhen qytetarëve”, thuhet në thirrje.

Protesta synon të jetë një reagim i hapur ndaj vendimeve dhe praktikave të gjykatave, të cilat, sipas organizatorëve, kanë dëmtuar besimin e publikut në drejtësi. /Kosova.info/