Kanadaja vazhdon të jetë e përfshirë nga zjarret. Zjarri më i madh në Newfoundland dhe Labrador mund të ketë shkatërruar deri në 100 shtëpi dhe struktura.

Kryeministri rajonal, John Hogan tha se është ende shumë e rrezikshme që ekipet e shpëtimit të hyjnë në zonë për të kryer një numërim të saktë.

Zjarri që digjet përgjatë bregdetit veriperëndimor të Conception Bay filloi më 3 gusht dhe tani shtrihet në mbi 80 kilometra katrorë.

Një 20-vjeçar është arrestuar me akuzën e vënies të një serie zjarresh.

Ndërsa flakët pranë Moncton, New Brunswick, janë vënë nën kontroll dhe paralajmërimi për evakuim është hequr, ai për zonat në perëndim të Halifax, Nova Scotia, mbetet në fuqi.

Gjithashtu në Nova Scotia, një zjarr jashtë kontrollit ka detyruar evakuime në zonën e Luginës së Annapolis.

Një total prej 130 zjarresh kanë shpërthyer në provincat lindore dhe bregdetare të Kanadasë që nga fillimi i verës.