Familjarë të Agon Zejnullahut, 27-vjeçarit i cili ka vdekur të hënën në Lipjan, pasi është ndaluar nga zyrtarët policorë, dhe qytetarë tjerë janë mbledhur më 8 korrik para Teatrit Kombëtar në Prishtinë, si shenjë kujtimi për të ndjerin.
Vdekja e tij ka marrë vëmendje të konsiderueshme në Kosovë, meqë zyrtarët policorë janë arrestuar nën dyshimet për “vrasje nga pakujdesia”.
Policia ka thënë se i ndjeri dyshohet se ishte nën ndikimin e alkoolit dhe duke sulmuar automjete e kalimtarë, kur është ndaluar nga autoritetet e rendit. /REL/
Motra e Agonit shihen tejet e mërzitur në ceremoninë e ndezjes së qirinjve.Ceremonia është organizuar një ditë pas vdekjes së të ndjerit.Policia e Kosovës ka thënë se Zejnullahu ka qenë jobashkëpunues me zyrtarët e rendit, mirëpo nga pamjet e shpërndara në mediat sociale, që është thënë se janë nga rasti në Lipjan, viktima duket me duar të lidhura dhe në gjunjë, ndërsa më pas bartet me auto-ambulancë.Disa i kanë kritikuar zyrtarët policorë për “përdorim të tepruar” të dhunës.Tjetër pamje nga ceremonia e ndezjes së qirinjve. Presidentja e Kosovës, Vjosa Osmani, ka bërë thirrje për transparencë të plotë, përgjegjësi institucionale dhe drejtësi pakompromis lidhur me rrethanat e vdekjes së 27-vjeçarit.Ministri në detyrë i Punëve të Brendshme të Kosovës, Xhelal Sveçla, ka thënë se hetimet janë duke u zhvilluar me intensitet maksimal dhe se kushdo që rezulton fajtor për vdekjen e të riut, do të marrë dënimin e merituar.Familja është shprehur e zhgënjyer me mungesën e deritashme të transparencës nga autoritetet.Pjesëtarë të shoqërisë civile kanë shprehur shqetësim për mënyrën se si policia e ka menaxhuar rastin në Lipjan.Ata kanë vënë në dyshim nëse policët e përfshirë kanë pasur trajnim të mjaftueshëm, pasi trajnimi i tyre në Kosovë është zvogëluar nga gjashtë në tre muaj.Ekspertët vlerësojnë se kjo periudhë e shkurtër trajnimi nuk është e mjaftueshme për të përballuar situata komplekse në terren.
