Produkte artizanale dhe bujqësore, të punuara nga gra të mbijetuara të dhunës seksuale gjatë luftës së fundit në Kosovë, u shfaqën në “Panairin e fuqizimit – Produkte me histori jete dhe qëndrese”, në Prishtinë.
Këto produkte do të promovohen dhe shiten gjatë tri ditëve, nga 19 deri më 21 maj, në kryeqytetin kosovar, në sheshin “Adem Jashari”, për të mbështetur fuqizimin ekonomik dhe pavarësinë financiare të grave.
Panairi, i organizuar nga organizata Medica Gjakova, do të mbahet gjatë javëve në vijim edhe në Gjakovë, Ferizaj, Prizren, Gjilan, Pejë dhe Mitrovicë. /REL/
Kjo varëse simbolizon historinë e të mbijetuarave të dhunës seksuale nga forcat serbe gjatë luftës në Kosovë.Pjata dekori, të punuara nga viktimat e dhunës seksuale të luftës.Dy gra që po shisnin produkte artizanale në Panair.Slogani i platformës “Bëhu Zëri im” (majtas), në mbështetje të viktimave të dhunës seksuale, dhe historia e shkruar një të mbijetuare (djathtas).Gjergjef – një punim tradicional dore.Pjesëmarrës në “Panairin e fuqizimit”.Një balerinë e pikturuar në pjatë qeramike, e punuar nga të mbijetuarat e dhunës seksuale.Histori suksesi e shkruar nga një e mbijetuar e dhunës seksuale, pranë produkteve në panair.Piktura dhe kartolina, të punuara nga të mbijetuarat e dhunës seksuale.Varëse që simbolizojnë historinë e të mbijetuarave të dhunës seksuale nga forcat serbe gjatë luftës në Kosovë.Mjaltë e përgatitur nga gratë, të mbijetuara të dhunës seksuale gjatë luftës.Ish-presidentja e Kosovës, Atifete Jahjaga (majtas), dhe ministrja në detyrë e Drejtësisë e Kosovës, Albulena Haxhiu (djathtas), derisa shikojnë produktet artizanale në panair.Brenda tendës së panairit në Prishtinë.Fjalimet në hapje të panairit. Në fotografi: organizatoret dhe mysafiret e panairit.
