Shkruan: Halil GECI

Ju lutem, dëgjojeni këtë VIDEO dhe gjykoni, o lexues: Kujt ia ka besuar votën ky popull?

Shikojini sa të pafytyrë janë!

Dhe pastaj, me gjithë këtë, kanë guximin ta fajësojnë Kurtin për formimin e Zajednicës.

Por a mund t’u besohet atyre që nuk kanë besë? A ka fare besë te ta?

Marrëveshjet për Asociacionin me kompetenca ekzekutive u nënshkruan nga drejtuesit e LDK-së dhe PDK-së, por sot padrejtësisht po akuzohet Albin Kurti.

Të flasësh për Zajednicën pa përmendur themeluesit e saj është më shumë se poshtërsi.

Kjo që po e dëgjoni në këtë video ta neverit shqiptarinë! A thua, a e shikojnë veten këta zagarë dhe zagarica se çfarë flasin dhe çfarë kanë bërë?

Nuk po mundem më t’i përballoj këto turpe dhe tradhti. Po kthehem nga Zoti dhe po i lutem:

Pse, o Përendi, kur fale derrin dhe arin, ç’të deshti që fale edhe këta faqezinj?

çfar rrene flasin,kronologjia dhe e vërteta politike që s’mund të mohohet është kjo:

“Zajednica e komunave me shumicë serbe” (në serbisht: Zajednica srpskih opština – ZSO) është një trup i propozuar vetëmenaxhues i komunave me shumicë serbe në Kosovë, që buron nga Marrëveshja e Brukselit e vitit 2013, ndërmjet Kosovës dhe Serbisë.

E nënshkruar nga Hashim Thaçi si kryeministër i atëhershëm i Kosovës, më 19 prill 2013, dhe nga Ivica Dačić, kryeministër i Serbisë, me Bashkimin Evropian si palë garantuese dhe ndërmjetësuese (e përfaqësuar nga Catherine Ashton), kjo marrëveshje e hapi rrugën për një Asociacion me kompetenca vetëmenaxhuese, madje edhe ekzekutive.

1. Marrëveshja fillestare – 19 prill 2013

Parashikonte krijimin e një Asociacioni të komunave me shumicë serbe, me kompetenca vetëmenaxhuese dhe ekzekutive. Vuçiçi premtonte se “këmbë shqiptari më s’do shkelë në veri.”

2. Marrëveshja e dytë – 25 gusht 2015

E nënshkruar nga kryeministri Isa Mustafa.

Marrëveshja u arrit sërish me ndërmjetësimin dhe garantimin e BE-së, dhe përmbante parimet themelore të Asociacionit.

U kritikua ashpër brenda vendit dhe u dërgua në Gjykatën Kushtetuese, e cila në dhjetor 2015 konstatoi 23 shkelje të Kushtetutës së Kosovës. Gjykata kërkoi që statuti të riformulohej në përputhje me kushtetutën.

3. Bllokimi dhe tensionet politike – 2015–2023

Për shkak të kundërshtimeve të forta nga VV dhe AAK (me Ramush Haradinajn në krye) si dhe protestave qytetare, formimi i Zajednicës u bllokua për vite me radhë.

Por, pas ndalimit në Francë dhe kthimit në Kosovë, Ramushi ndryshoi qëndrim dhe u bë krah i Hashimit dhe Isës – pse dhe si, e di vetë ai.

4. Marrëveshja e Ohrit – 27 shkurt dhe 18 mars 2023

Kurti nën presionin ndërkombëtar, në Ohër, BE-ja si garantuese dhe ndërmjetësuese kërkoi zbatimin e marrëveshjeve të mëparshme, të nënshkruara nga Thaçi e Mustafa

Kurti në mënyrë të qartë dhe publike e pranoi në parim marrëveshjen, por me kushtin që të nënshkruhet nga të dy palët – jo që Vuçiçi të zgjedhë nenin që i konvenon. Kurti këmbënguli që marrëveshjet ndërkombëtare janë reciproke, dhe nuk do të ketë zbatim pa nënshkrim nga Serbia.

Kuptojeni, o popull!

Zajednica është votuar nga Kuvendi i Kosovës si institucion i pavarur dhe ka kaluar me pëlqimin e PDK-së dhe LDK-së.

Marrëveshjet me Serbinë janë ndërkombëtare dhe nuk mund të anashkalohen, sepse janë të kaluara përmes qeverive legjitime me BE-n si palë garantuese.

Por t’i thuash Kurtit “ti e ke themeluar”, pa qenë fare pjesë e atyre proceseve, është manipulim i ulët.

Nuk ka poshtërsi më të madhe se kur ata që e sollën Zajednicën në tavolinë, sot i gjuajnë gurin dikujt tjetër, duke fshirë gjurmët e veta si tradhtarë të vërtetë.